Happy Lemon "Happy" 潮玩大抽獎

各位 fans:

聖誕佳節, 我地又有新搞作, 由 11 月 30 日起, 各位顧客係同一張帳單上面惠顧滿 20 元, 就可以獲贈一張刮刮卡. 雖然佢 "咭仔細細", 其實佢包含左兩個我地係溫馨心意係裡面架.

第一個係刮刮獎, 只要刮中幸運圖案, 你就可以有機會得到 3 蚊優惠又或者免費贈飲一杯.

第二個心意係幸運大抽獎, 只要填上個人資料然後將佢郵寄至指定地址, 咁幸運既你就好有機會得到我地為你預備既獎品. 獎品有d咩? 包括有頭獎蘋果電腦 iPod Touch 一部; 二獎 Nintendo DS Lite 一部; 三獎無印良品 MUJI $500 購買禮券.

行開黎荃灣南豐中心, 記得黎我地舖頭買野飲拎番張刮刮卡啦!

翡翠檸檬菠蘿凍 - Pineapple Juice with “Happy” Jelly

翡翠檸檬菠蘿凍，佢係我地舖頭嘅經歷，就好似一個久久未被人發現既明日之星一樣，一被我這個經理人發掘，加以包裝及宣傳，立刻艷光四射，受不少人嘅愛戴。如果早d為佢拍造型海報的話，我相信 “菠蘿凍” 會比現在更加多人認識同 “粉絲” 支持。
每一種飲品係我地舖頭都有佢既經歷 (好似講到好辛酸咁！其實最辛苦係我呢個經理人，要一個將佢地湊大，等大家都認識佢，支持佢！)“菠蘿凍” 既 “個人” 造型海報一出，我先發現原來香港都有相當大部分的客人鍾意菠蘿味道既飲品。呢個可能香港一般餐廳都比較少有菠蘿味道既飲品吧！每一日，都不約而同有好多對佢有興趣既客人問我哋有關 “菠蘿凍” 既 “底細”。其實佢係集檸檬、菠蘿味於一身既果汁，而令佢添上色彩既翡翠，其實係 “水晶椰果”，即係綠茶啫喱 + 椰果。呢個配搭好清新，有興趣的你不妨下次黎荃灣舖試下啊！

<< HAPPY PEN >> 大放送

Happy Lemon @ 荃灣於11月有多項大大力推廣活動。而第一場就係 <<>> 大放送，每天開心寫贈送精美圓珠筆既推廣活動。

凡於 Happy Lemon @ 荃灣贈買任何兩杯飲品，再另外加選“胚芽”、“海藻彈珠”，“水晶椰果”、或“布丁”其中一份，便可獲贈精緻圓珠筆一支，圓珠筆共有五款，每款都極具實用性及收藏價值啊！多買多送！

五款HAPPY PEN，睇一睇：


五款 HAPPY PEN 將隨機贈送。

巧克力烤茶 Chocolate Roasted Milk Tea

巧克力烤茶, 又叫朱古力烤茶 (呢個名比較有親切感). 佢係繼幾時都咁熱賣既 "黑珍珠奶茶" 同 "烤珍珠奶茶" 之後, 非常勁賣的奶茶系飲品. 朱古力烤茶最岩一 d 唔係好鍾意飲奶茶, 又或者怕飲完一大杯奶茶夜晚訓唔著覺既人. 未出呢款飲品前, 好多小朋友同媽咪黎我地舖頭買野飲時, 都話要飲黑珍珠奶茶, 但係好多媽咪都唔想俾小朋友飲咁多奶茶, 所以個陣時佢地都會轉飲布丁朱古力或者其他果汁. 有左朱古力烤茶之後, 好多小朋友都好開心…, 因為可以同時擁有朱古力同奶茶兩種至高既感受啊!

唯一美中不足之處, 就係朱古力奶茶裡面冇珍珠, 好多客人都大讚我地舖頭既珍珠好有口感, 雖然細細粒, 但係好彈牙, 有 "咬感", 煮得恰到好處 (聽到呢 d 讚賞, 老闆會非常興奮, 愈煮愈落力)। 所以, 如果你想同時擁有三種至高享受的話, 建議你加一份珍珠啊!

快樂檸檬頭 @ 荃灣

荃灣 Happy Lemon, 座落於荃灣南豐中心 1 樓 A35 號舖. 位置臨近荃灣地鐵站, 一出南豐中心出口, 進入南豐中心, 係第一層最 "黃gum gum", 最搶眼果間舖頭就係我地喇!

開業至今已有一年, 係香港咁激烈既競爭環境之中都俾我地生存到整整一年, 真係非常幸運, 黎緊一年希望香港繼續繁榮, 當然最重要既係各位客人多多支持我地舖頭啦!

荃灣檸檬頭由一開始大家都唔知係咩既一間鋪頭已變成商場中其中一個地標, 每次聽到 d 客一路買野飲一路同係電話個 friend 講: "我咪係 Happy Lemon 買緊野飲囉, 係果到等啦!" 既時候, 真係幾開心. 原因多人識既地方先至會成為同朋友見面既集合地點. 希望我地舖頭會變成好似地鐵站既美心又或者係恆生一樣咁多人認識.

荃灣檸檬頭唔只係有檸檬飲品, 仲有好多其他種類... 好似奶茶咖啡等. 珍珠奶茶同烤奶茶係我地既鎮店之寶! 仲有 d "粉絲" 鍾意叫我地既烤奶茶做 '燒珍 "豬" (珠) 奶茶'.